ERNESTO

Sigaro in boca,
pansa in 'vanti,
brassi scorlanti,
passo militare:
Ernesto,
figura eleta,
sensa 'na meta,
gira par la sita.
Se lo vede in Pra,
senta al Pedrochi;
invesse do goti
in Piassa dei Fruti
Nissuni
sa cossa ch'el fassa,
no se sa la rassa,
se sa solo che l'e qua.
El gira
continuamente
e se no'l fa gnente
poco ghe manca
De sicuro
el fa el rabià,
sempre incassà
co tuti.
Anca quando
verso sera,
co 'na luna nera,
el torna a dormire.
Al Borgo dea Paja
i lo speta:
l'é la figura eleta
del dormitorio.